ਘਰ ਵੱਡਾ ਹੋਵੇ ਜਾਂ ਛੋਟਾ, ਸਜਾਵਟ ਦੇ ਬਿਨ੍ਹਾਂ ਸੁਨਾ ਲੱਗਦਾ ਹੈ। ਤਣਾਅ ਮੁਕਤ ਅਤੇ ਪੋਜ਼ੀਟਿਵ ਫੀਲਿੰਗ ਲਈ ਘਰ ਨੂੰ ਸਜਾਉਣਾ ਬਹੁਤ ਜ਼ਰੂਰੀ ਹੈ। ਵੈਸੇ ਤਾਂ ਬਾਜ਼ਾਰ 'ਚੋਂ ਤੁਹਾਨੂੰ ਬਹੁਤ ਸਾਰੀਆਂ ਚੀਜ਼ਾਂ ਮਿਲ ਜਾਣਗੀਆਂ ਪਰ ਸਜਾਵਟ ਦੀਆਂ ਕੁਝ ਚੀਜ਼ਾਂ ਤੁਸੀਂ ਖੁਦ ਵੀ ਬਣਾ ਸਕਦੇ ਹੋ। ਵੈਸੇ ਵੀ ਅੱਜ ਕੱਲ੍ਹ ਲੋਕ ਘਰ 'ਚ ਪਈਆਂ ਵੈਸਟ ਚੀਜ਼ਾਂ ਨੂੰ ਦੁਬਾਰਾ ਵਰਤੋਂ ਕਰਨ 'ਚ ਜਾਗਰੂਕਤਾ ਦਿਖਾ ਰਹੇ ਹਨ। ਜੇਕਰ ਤੁਸੀਂ ਖੁਦ ਨੂੰ ਕਿਏਵਿਟ ਦਿਖਾਉਣਾ ਚਾਹੁੰਦੇ ਹੋ ਤਾਂ ਵੈਸਟ ਕੱਪੜਿਆਂ, ਕਾਗਜਾਂ ਅਤੇ ਪਲਾਸਟਿਕ ਨਾਲ ਡੈਕੋਰੇਸ਼ਨ ਦੀਆਂ ਚੀਜ਼ਾਂ ਤਿਆਰ ਕਰੋ। ਹਰ ਘਰ 'ਚ ਸਾਨੂੰ ਫਲਾਵਰ ਪੋਟ ਮਿਲ ਜਾਏਗਾ। ਇਹ ਫਲਾਵਰ ਕੱਪੜੇ, ਆਰਗੇਂਡੀ, ਸਟੋਕਿੰਗ ਅਤੇ ਪੇਪਰ ਫਲਾਵਰ ਨਾਲ ਵੀ ਬਣੇ ਹੁੰਦੇ ਹਨ। ਅੱਜ ਅਸੀਂ ਤੁਹਾਨੂੰ ਪੇਪਰ ਫਲਾਵਰ ਬਣਾਉਣਾ ਸਿਖਾਉਂਦੇ ਹਾਂ, ਜਿਸ ਨੂੰ ਤੁਸੀਂ ਫਲਾਵਰ ਵੇਸ 'ਚ ਲਗਾ ਕੇ ਘਰ ਦੀ ਰੌਣਕ ਵਧਾ ਸਕਦੇ ਹੋ। ਵੈਸੇ ਇਨ੍ਹਾਂ ਨੂੰ ਬਣਾਉਣ 'ਚ ਤੁਹਾਨੂੰ ਜ਼ਲਦਬਾਜ਼ੀ ਨਹੀਂ ਸਗੋਂ ਸਹਿਨਸ਼ੀਲਤਾ ਦਿਖਾਉਣੀ ਪਵੇਗੀ।
ਇਸ ਲਈ ਤੁਹਾਨੂੰ ਚਾਹੀਦੇ—ਕਰੇਪ ਪੇਪਰ ਜਾਂ ਟੀਸ਼ੂ ਪੇਪਰ, ਨਿਊਜ਼ ਪੇਪਰ, ਧਾਗਾ, ਕੈਂਚੀ, ਫੇਵੀ ਗਲੂ।
ਕਿੰਝ ਬਣਾਈਏ ਪੇਪਰ ਫਲਾਵਰ—ਸਭ ਤੋਂ ਪਹਿਲਾਂ ਕਰੇਪ ਪੇਪਰ ਨੂੰ 40 ਇੰਚ ਲੰਬਾ ਕੱਟ ਲਓ। ਉਸ ਤੋਂ ਬਾਅਦ ਉਸ ਨੂੰ ਅੱਧਾ-ਅੱਧਾ ਫੋਲਡ ਕਰਦੇ ਜਾ ਜਦੋਂ ਤੱਕ ਉਹ ਢਾਈ ਇੰਚ ਨਾ ਰਹਿ ਜਾਏ। ਫਿਰ ਕੈਂਚੀ ਦੀ ਮਦਦ ਨਾਲ ਪੇਪਰ ਦੇ ਇਕ ਕਿਨਾਰੇ ਨੂੰ ਜਿਗ ਜੈਗ ਸੇਪ (ਵੱਡੇ ਕੱਟ) 'ਚ ਕੱਟੋ। ਹੁਣ ਸਾਰੇ ਪੇਪਰ ਨੂੰ ਖੋਲ੍ਹ ਲਓ ਅਤੇ ਉਸ ਨੂੰ ਹਾਫ ਫੋਲਡ ਕਰ ਲਓ। ਸੂਈ ਧਾਗੇ ਦੀ ਮਦਦ ਨਾਲ ਪੇਪਰ ਨੂੰ ਜਿਗ ਜੈਗ ਦੀ ਦੂਜੀ ਸਾਈਡ ਕੱਚਾ ਟਾਂਕਾ ਕਰਨਾ ਸ਼ੁਰੂ ਕਰੋ। ਜਦੋਂ ਸਾਰੀ ਲੜੀ ਸਿਲ ਜਾਵੇ ਤਾਂ ਧਾਗੇ ਨੂੰ ਹੌਲੀ-ਹੌਲੀ ਖਿੱਚਣਾ ਸ਼ੁਰੂ ਕਰੋ। ਇਸ ਤਰ੍ਹਾਂ ਨਾਲ ਪੇਪਰ ਰਾਊਂਡ ਫਲਾਵਰ ਸ਼ੇਪ 'ਚ ਆ ਜਾਵੇਗਾ। ਸੂਈ ਨੂੰ ਕੱਢ ਕੇ ਧਾਗੇ ਨੂੰ ਇੰਝ ਹੀ ਪਿਆ ਰਹਿਣ ਦਿਓ। ਫੁੱਲ ਦੀ ਡੰਡੀ ਤਿਆਰ ਨਿਊਜ਼ ਪੇਪਰ ਸਟਰਾਈਫ ਨੂੰ ਰਾਊਂਡ ਘੁੰਮਾ ਕੇ ਤਣੇ ਦੀ ਲੁੱਕ ਦਿਓ। ਇਸ ਗਲੂ ਨੂੰ ਨਾਲ ਚੰਗੀ ਤਰ੍ਹਾਂ ਨਾਲ ਜੋੜ ਲਓ ਤਾਂ ਕਿ ਇਹ ਖੁੱਲ੍ਹੇ ਨਾ ਅਤੇ ਕਿਨਾਰੇ ਤੋਂ ਕੱਟ ਲਓ। ਹੁਣ ਕਿਸੇ ਹੋਰ ਰੰਗ ਦੇ 8 ਇੰਚ ਕਰੇਪ ਪੇਪਰ ਲਓ ਅਤੇ ਫੋਲਡ ਕਰਦੇ ਜਾਓ ਜਦੋਂ ਤੱਕ ਉਹ 1 ਇੰਚ ਨਾ ਹੋ ਰਹਿ ਜਾਵੇ। ਪਹਿਲਾਂ ਦੀ ਤਰ੍ਹਾਂ ਕੈਂਚੀ ਨਾਲ ਇਸ ਦੀ ਇਕ ਸਾਈਡ 'ਤੇ ਛੋਟੇ ਕੱਟ ਲਗਾਓ। ਜਿਥੇ ਕੱਟ ਲਗਾਏ ਹਨ ਉਸ ਹਿੱਸੇ ਨੂੰ ਨਿਊਜ਼ ਪੇਪਰ ਦੇ ਇਕ ਕੋਨੇ ਦੀ ਉਪਰ ਰੱਖੋ ਅਤੇ ਧਾਗੇ ਦੀ ਮਦਦ ਨਾਲ ਲਪੇਟੋ। ਇਸ ਤਰ੍ਹਾਂ ਨਾਲ ਇਹ ਫੁੱਲ ਦਾ ਸੈਂਟਰ ਵਾਲਾ ਹਿੱਸਾ ਤਿਆਰ ਹੋ ਗਿਆ ਹੈ। ਹੁਣ ਇਸ ਨੂੰ ਰਾਊਡ ਫਲਾਵਰ ਦੇ ਵਿਚਕਾਰੋ ਕੱਢਦੇ ਹੋਏ ਸੈੱਟ ਕਰੋ ਅਤੇ ਜੋ ਧਾਗਾ ਫੁੱਲ ਦੇ ਨਾਲ ਬਚਿਆ ਸੀ ਉਸ ਨੂੰ ਤਣੇ ਦੇ ਨਾਲ ਚੰਗੀ ਤਰ੍ਹਾਂ ਨਾਲ ਟਾਈਟ ਕਰ ਲਓ। ਉਸ ਤੋਂ ਬਾਅਦ ਨਿਊਜ਼ ਪੇਪਰ 'ਤੇ ਗ੍ਰੀਨ ਕਰੇਪ ਕਵਰ ਚੜਾਓ ਅਤੇ ਗਲੁ ਦੀ ਮਦਦ ਨਾਲ ਜੋੜ ਲਓ। ਇਸ ਤਰ੍ਹਾਂ ਨਾਲ ਸੂਰਜਮੁੱਖੀ ਦੇ ਫੁੱਲ ਤਿਆਰ ਕਰ ਲਓ। ਇੰਝ ਹੀ ਵੱਖਰੇ ਰੰਗ 'ਚ ਬਾਕੀ ਫੁੱਲ ਤਿਆਰ ਕਰ ਲਓ ਅਤੇ ਪੋਟ 'ਚ ਸਜਾਓ। ਇਸ ਤਰ੍ਹਾਂ ਨਾਲ ਤੁਸੀਂ ਰੋਜ, ਲਿਲੀ, ਲੋਟਸ ਆਦਿ ਦੇ ਫੁੱਲ ਵੀ ਬਣਾ ਸਕਦੇ ਹੋ।
ਕੈਂਸਰ ਨੂੰ ਜੜ੍ਹ ਤੋਂ ਖਤਮ ਕਰਨਾ ਹੈ ਤਾਂ ਅਪਣਾਓ ਇਹ ਤਰੀਕਾ
NEXT STORY 
